د سمنګان ولایت له دارالوکالو څخه نظارت او بررسي
د سمنګان ولایت د عدليې ریاست مؤظف هیئت، د عدلیې رئیس الحاج قاري فراح الدین محمدي په مشرۍ او د یاد ریاست د حقوقي مرستو د آمریت د مسؤلینو په غړیتوب د ذوالقعدې میاشتې په ۹ نېټه د دوشنبې په ورځ، دغه ولایت کې له دارالوکالو څخه کنټرول او نظارت ترسره کړ.
یاد شوي هیئت په دغه ولایت کې د اتو دارالوکالو له مسؤلینو سره له نږدې وکتل او د هغوی په کاري چارو کې یو لړ تشې او نیمګړتیاوې له دې جملې څخه په یو شمېر د هغو کې د لوحو نه شتون، د مقاولاتو او عوایدو په کتاب کې د قضیو نه ثبتیدل، د هغو په یو دفتر کې د عوایدو د کتاب نه شتون، دارالوکاله کې د عریضه لیکنې فعالیت، د جزائي فورم نه شتون او د عوایدو په کتاب کې د صورت دعوا او دفع دعوا نه ثبتیدل په ګوته او هغوی ته یې خبر داری ورکړ.
د یاد شوي هیئت رئیس او غړو په دغو برخو کې لازمې توصیې وکړې او ټینګار یې وکړ چې شته تشې او نیمګړتیاوي اصلاح کړي او د مدافع وکیلانو د انسجام د کړنلارې په چوکاټ کې خپل فعالیت ترسره کړي.
