پکتیا ولایت کې شپږ موټر پلورنځۍ د غیرقانوني فعالیت په دلیل وتړل شوې
د پکتیا ولایت د عدلیې ریاست د انسجام مدیر مولوي نقیب الله او د یاد ولایت د موټر پلورونځیو د اتحاديې رئیس حاجي باز محمد د شوال میاشت په ۲۳ نېټه د شنبې په ورځ د موټرو له پلورنځیو او د عریضي د لیکوونکو څخه د لیدنې او نظارت په منظور د دغه ولایت څمکنۍ ولسوالۍ ته سفر وکړ.
د دغه سفر په ترڅ کې، د پکتیا ولایت د عدلیې ریاست د انسجام مدیر د څمکنۍ ولسوالۍ له ولسوال مولوي عزت الله مخلص سره وکتل او په دغې ولسوالۍ کې د ځینو موټر پلورنځیو او د عریضې لیکوونکو په فعالیتونو کې د ستونزو او نیمګړتیاو په اړه بحث او خبرې وشوې.
د څمکنۍ ولسوال ژمنه وکړه چې په دغې ولسوالۍ کې د موټرو د پلورنځیو او د عریضې د لیکوونکو د فعالیتونو څخه د نظارت او کنټرول په برخه کې به د عدليې ریاست د انسجام له مدیریت سره هر اړخیزه همکاري وکړي.
ورپسې د پکتیا ولایت د عدليې ریاست د انسجام مدیر او د دغه ولایت د موټر پلورنځیو د اتحادیې له رئیس او د څمکنۍ ولسوالۍ د موټرپلورنځیو له استازي سره د دغې ولسوالۍ د موټرو له پلورنځیو او د عریضې د لیکوونکو له فعالیتونو څخه لیدنه او نظارت وکړ او د موټرو شپږ پلورنځۍ یې د غیرقانوني فعالیت په دلیل مهرلاک او وتړلې.
