د جوزجان ولایت د ځمکو د غصب د مخنیوي د تخنیکي هیئت د ناستې جوړیدل
د جوزجان ولایت د ځمکو د غصب د مخنیوي د تخنیکي هیئت ناسته د شوال میاشت په ۱۷ نېټه د یکشنبې په ورځ د دغه هیئت د رئیس او غړو په حضور سره جوړه شوه چې د مرکزي کمېسیون څخه ترلاسه شوې دوسیې په کې بررسي شوې او د حج او اوقافو رئیس ته دنده وسپارل شوه چې د موظف ټیم په همکارۍ د یادې ساحې څېړنې او اصولي سندونه بشپړ کړي او د راپور په ترڅ کې یې تخنیکي هیئت ته وړاندې کړي.
په دغې ناسته کې، د سه شنبې، کوکلداش، منګوتي، د شام اشرف پروژې، د افغانګاز تصدۍ، جګدلیک، پمپ خانې، آلتي خواجه په کلیو کې د غصب شویو امارتي ځمکو او د خواجه دوکو، قوشتپه ولسوالیو او د دغه ولایت د مرکز ترمنځ د عامه مرعی ځمکو د بررسۍ، کروکي، مساحت د اصولي او شرعي سندونو د راټولولو په تړاو د موظف شویو تیمونو راپورنه وړاندې او بررسۍ شول.
د وړاندې شویو راپورونو پر اساس د مرکزي کمېسیون له لارښوونې سره سم د پمپ خانې او د افغانګاز تصدۍ په ساحو کې څېړنې او بررسۍ بشپړې شوي او راپور یې ډیر ژر د وروستي تصمیم نیونې په غرض مرکزي کمېسیون ته استول کیږي او پاتې یادو شویو ساحو کې څېړنې په بشپړ جدیت سره دوام لري.
