د فراه ولایت د ځمکو د غصب د مخنیوي د تخنیکي هیئت د ناستې جوړیدل
د فراه ولایت د ځمکو د غصب د مخنیوي د تخنیکي هیئت ناسته د ۱۴۴۴ هجري قمري کال د روژې میاشت په ۴ نېټه د یکشنبې په ورځ ددغه هیئت د رئیس او غړو په حضور سره جوړه شوه او د فرارود ولسوالۍ د بازار ساحې په تړاو افرادو او اشخاصو ته یو شمېر ویشل شوي استعلامونه په کې راټول شول او هغوی ته وویل شو چې هیئت له لوړپوړ مقاماتو څخه دغې برخه کې لارښوونه اخیستې او له هغې سره سم عمل کوي.
دغه راز په یاده ناسته کې پریکړه وشوه چې د شیبکوه کاریز موضوع او نور اړوند موضوعات چې ددغه هیئت لخوا تثبیت او تشخیص شوي، د لوړپوړو مقاماتو د لارښوونو له اخیستلو څخه وروسته تطبیق شي.
یاد شوي هیئت، د فراه غلامان ساحه کې د افرادو او اشخاصو تصرفات هم ودرول. ددغې ساحې ځمکې وړاندې د یو شمېر اشخاصو تر دعوا لاندې وې او یاد شوي هیئت هغه امارتي او څړځای تثبیت کړي دي.
