د پروان ولایت بګرام ولسوالۍ کې څه دپاسه ۱۸۸ جریبه ځمکه تصفیه شوه
د پروان ولایت د ځمکې د غصب د مخنیوي تخنیکي هیئت د یاد ولایت د بګرام ولسوالۍ خم کلان ساحې ته ولاړ او دغې ساحه کې د بخشي خیلو او ناصري قوم د ځمکو د قطعې شمېره، مساحت، موصوبه، حدود، د غاصبینو شهرت، د تاسیساتو ډول او اوسنۍ بیې مشخصه کړه.
یاد شوي هیئت د کار په ترڅ کې وشو کولای چې ۱۸۸,۸۲۱ جریبه ځمکه او کورونه دغې ساحه کې تصفیه کړي.
په همدې حال کې د سمنګان ولایت د تخنیکي هیئت ناسته ددغه هيئت د رئیس او غړو په حضور سره جوړه شوه او پکې د روانې میاشت د ۱۰۲۱۷.۳۶ جریبه تثبیت او سروې شوې امارتي ځمکې او د هغې د راپور وړاندې کولو په اړه بحث او د نظر تبادله وشوه.
په دغې ناسته کې، له ادارو څخه د سندونو راټولولو او غوښتلو د څرنګوالي او د قبالو په اړه د تخنیکي هیئت په وړاندیز د محکمو او د وثایقو آمریت لخوا د معلوماتو د نه وړاندې کولو په اړه، بحث وشو او موضوع د استیناف محکمې له رییس سره هم شریکه شوه.
دغه راز یاده ناسته کې د عمل پلان د ترتیب او د راپور جوړولو او د هیئت د مصارفو په اړه بحث وشو او دغې برخه کې لازم تصمیمونه ونیول شوو.
