د هرات ولایت له عدلیې رییس سره د عدلیې وزارت د داخلي پلټنې د استول شوي پلاوي ناسته
د عدلیې وزارت د داخلي پلټنې ریاست استول شوي پلاوي د جمادي الاول میاشت په ۱۶ نېټه د شنبې په ورځ د هرات ولایت د عدلیې له رییس الحاج مولوي یار محمد جانان خادمي او ددغه ریاست له آمرینو او کارکوونکو سره وکتل او خبرې یې وکړي.
یاد هیئت د هرات ولایت د عدلیې ریاست د ټولو سندونو، دوسیو او د تېر یو کال کړنو له بررسۍ څخه وروسته په یوه ناسته کې ددغه ریاست له رییس او کارکوونکو څخه د لازمو آسانتیاو برابرولو له امله مننه او قدرداني وکړه.
دغه راز یاد هیئت د ستونزو د حل او د چارو د ښه والي په منظور ددغه ریاست کارکوونکو ته لازمې سپارښتنې او لارښوونې وکړې.
دغه هیئت یو میاشت مخکې د هرات ولایت د عدلیې ریاست د بررسۍ په منظور دغه ولایت تللی او د تېرې یوې میاشتې په ترڅ کې یې ددغه ریاست د تېر یو کال ټول سندونه، دوسیې او ترسره شوې فعالیتونه بررسي کړل.
