د افغانستان اسلامي امارت د عدلیې وزارت د انسجام لوی ریاست خبرتیا
هغو ټولو ټولنو او خیریه بنسټونو ته چې د فعالیت جواز موده یې پوره او یا تېره شوې وي او غیر قانوني فعالیت کوي مخکې خبر ورکړل شوي و چې د دې خبرتیا د اعلان له نېټې ۲۰/۱۰/۱۴۰۰ څخه وروسته تر (۳) مېاشتې پورې د خپل د فعالیت جواز د ثبت، اخیستلو او یا د جواز د نوي کولو لپاره عدلیې محترم وزارت ته مراجعه وکړي چې له نېټې یې یوه نیمه میاشت تېره شوې ده خو له ټولنو او خیریه بنسټونو څخه هیڅ یو د جواز نوي کولو او یا د نوي جواز د اخیستنې لپاره مراجعه نه ده کړې.
په ټینګار سره لارښوونه ورته کېږي څو خیریه بنسټونه او ټولنې د جواز نوي کولو او یا د نوي جواز اخیستلو لپاره مراجعه وکړي پرته له هغه به ورسره قانوني چلند وشي.
او همداراز له ټولو خیریه بنسټونو څخه غوښتنه کېږي تر څو د خپل فعالیت په جریان کې له اشخاصو، هټیوالو او یا کورنیو څخه پیسې وانخلي.
د مراجعې په وخت کې دې د دریو کلنو کړنو رپوټ له ځان سره راوړي.
د انسجام د لوی ریاست اداره
