په څهباندې تېرو څلورو کلونو کې د عدلیې وزارت د داخلي نظم او انسجام زیاتوالی
د افغانستان اسلامي امارت د عدلیې وزارت د تېرو څلورو کلونو په ترڅ کې په خپلو بېلابېلو کاري برخو کې د پام وړ لاسته راوړنو ترڅنګ، د یاد وزارت داخلي نظم او انسجام هم پیاوړی کړی تر څو خلکو او مراجعینو لپاره د خدماتو وړاندې کولو بهیر اسانه شي.
د یوه جومات او اړوندو ملحقاتو جوړول، د مدرسة العدالة رامنځته کول، د افغان ملي بانک استازولۍ پرانیستل، د غاښونو درملنې او لابراتوار برخه رامنځته کول، د وزارت دننه د تېلو ټانک او د وسایطو ترمیمګاه جوړول او د سلګونو عرادو موټرو او موټرسایکلونو پېرودل هغه فعالیتونه دي چې په دې موده کې ترسره شوي ترڅو د کارکوونکو د وخت له ضایع کېدو څخه مخنیوی وشي او خلکو لپاره خدمات وړاندې کول پیاوړي شي.
همدارنګه، د زرګونو مثمرو ونو او بېلابېلو ګلانو کېنول، د شنو چمنونو جوړول، د اوبو فواره او معیاري سایهبانونه رامنځته کول، د وسایطو تمځای جوړول، د اوبو او فاضلابو څاګانو کیندل، اوبولګولو لپاره سولري سیستم نصب کول، د لوی هنګر جوړول او د وزارت په ټولو ساحو او ودانیو کې د نظافت تامین د عدلیې وزارت د تېرو څلورو کلونو په موده کې هغه نور فعالیتونه دي چې د وزارت د ساحې د ښکلا او د چارو د اغیزمن نظم او انسجام په موخه ترسره شوي دي.
سربېره پر دې د یادې مودې په اوږدو کې په دغه وزارت کې د اداري فساد د هر ډول زمینه برابرولو عواملو پر وړاندې مبارزه شوې او د بېلابېلو څانګو پر دوامداره او کلک نظارت سره د دې پدیدې د رامنځته کېدو مخه نیول شوې ده.
د اسلامي امارت د عدلیې وزیر، محترم شیخ الحدیث مولوي عبدالحکیم شرعي تل د اداري فساد رامنځته کولو د عواملو پر وړاندې په جدي مبارزې ټینګار کړی او په دې برخه کې، مفتشین په دوامداره ډول د عدلیې وزارت له بېلابېلو برخو څارنه کوي.