د کارموندنې خبرتیا

د سالمې ادارې د اصلاح او رامنځته کولو لپاره د افغانستان اسلامي امارت د عدلیې وزارت لوړو موخو ته د رسیدلو، کار اهل د کار د سپارلو په موخه د عدلیې وزارت د اړتیا وړ د ژمن انساني ځواک د جذب او استخدام په منظور د خپرونو او عامه اړیکو ریاست، (اداري مامور) د شپږمې رتبې یو بست له ۱۴۰۳/۱۰/۲۶ تر ۱۴۰۳/۱۱/۷ هـ . ش مطابق ۱۴۴۶/۷/۱۴ تر ۱۴۴۶/۷/۲۵ هـ . ق نېټې پورې د (۱۰) کاري ورځو لپاره اعلان ته سپاري.

د دندې سرلیک: اداري مامور
بست: (۶)

وزارت یا اداره: د عدلیې وزارت

اړونده څانګه: د خپرونو او عامه اړیکو ریاست

د پست موقعیت:  کابل

د پست شمېر: ۱

راپور ورکول: اداري مدیر

د دندې موخه: د اصولو، موخو، پالیسۍ، لایحو، طرزالعملونو او له اړوندو نافذه تقنیني سندونو سره سم د اجرائیوي چارو ترسره کول او په اړوندو دوسیو کې د لیکونو او سندونو تنظیم.

دندې او مسؤولیتونه:

اساسي دندې:

• د ادارې ټاکل شویو موخو ترلاسه کولو لپاره د عمومي پلان په مطابقت کې د میاشتني، ربعوار او کلني کاري پلان ترتیبول؛
• د اړوند مدیر په همغږۍ ریاست ته د رارسیدل شوو لیکونو، وړاندیزونو، استعلامونو او نورو سندونو اخیستل او تسلمي؛
• د رئیس له احکامو څخه وروسته په اړوندو دفاترو کې د رارسیدل شوو سندونو ثبتول او د راتلونکو اجراآتو په غرض یې ذیربطو شبعاتو ته استول؛
• شعباتو او اړوندو مراجعو ته د لیکونو صادرول او استول؛
• د ریاست اړوند لیکونو، وړاندیزونو استعلامونو او نورو سندونو په ترتیبولو کمپيوټر کولو کې همکاري؛
• د تېرو کلونو د ټولو سندونو او لیکونو فهرست جوړول او د ساتنې په موخه یې آرشیف ته استول؛
• په اړونده دوسیه کې د سندونو ترتیب او تنظیم او رئیس او اړوندو شعباتو ته یې د اړتیا پر مهال وړاندې کول؛
• د ښه کاري اجراآتو په غرض له اړوند مدیر څخه د هدایت اخیستل او له مشورې څخه یې استفاده؛
• د ادارې د رهبرۍ د خبرولو په موخه، د اړوندو فعالیتونو او لاسته راوړنو د میاشتني، ربعوار، کلني او د عندالضرورت راپور وړاندې کول؛
• د تقنیني سندونو، لایحو، پالیسۍ او د ادارې د موخو مطابق د ذیصلاح مقاماتو له لورې د نورو ورسپارل شویو دندو ترسره کول؛
• د ورسپارل شویو چارو پرمخ وړلو په موخه له نورو اړوندو برخو سره همغږي او د اړیکو تأمین؛

د استخدام شرطونه:

• د افغانستان تابعیت ولري.
• عمر یې له (۱۸) کالو لږ او له (۶۴) زیات ونه‌اوسي.

تحصیلي سویه:

• لږ تر لږه د بلکوریا او یا په دې معادل له داخلي یا له هېواد څخه بهر له دیني مدرسو څخه د تحصیلي سند درلودل چې د پوهنې وزارت له خوا تایید شوی اوسي، لوړې تحصیلې درجې ته لومړیتوب ورکول کېږي.

کاري تجربه:

• اړتیا نه لري.

لازم مهارتونه:

• په یوې رسمي ملي (پښتو یا دري) ژبه تسلط.
• د دندې اړوند په کمپیوټري برنامو کې مهارت.

په شرایطو برابر غوښتونکي کولای شي د اعلان شوي بست د غوښتنلیک فورمه له دغه ځای او یا هم د کارکوونکو د چارو د ریاست د استخدام له آمریت څخه په حضوري ډول  ترلاسه کړي د فورمې له ډکولو څخه وروسته د ضرورت وړ سندونو او خپل کاري تجربې سره یوځای  په ټاکل شوي وخت د کارکوونکو د چارو ریاست ته تسلیم کړي.