د تقنیني ستاژ اوومې دورې ورودي ازموینې جوړولو په اړه د عدلیې وزارت خبرتیا

ټاکل شوې ده چې د اسلامي امارت د عدلیې وزارت د تقنیني ستاژ د اوومې دورې په شرایطو برابرو متقاضیانو ورودي ازموینه د یاد وزارت په مقر کې جوړه کړي.

یاده ازموینه د ۱۴۰۳ هـ.ش کال د وري د میاشتې په ۵ نېټه د یکشنبې په ورځ د سهار په ۳۰:۹ بجو د شپږمې ناحیې، د دارالامان ماڼۍ لویديځ د عدلیې وزارت په مقر کې جوړیږي. دې ازموینې لپاره د شارت لست شویو متقاضیانو لړلیک له دغه ځای څخه دانلود کړئ.