د مدافع وکیلانو د ارزونې د بهیر جوړلو په اړه د عدلیې وزارت خبرتیا
ټولو هغو مدافع وکیلانو ته چې جوازلیکوونه یې تمدید شوي نه دي خبر ورکول کیږي چې د مدافع وکیلانو د ارزونې بهیر د ۱۴۰۲ هجري لمریز کال د غبرګولي میاشت په ۱۰ نېټه د چهارشنبې په ورځ د سهار په ۹ بجو د عدلیې وزارت په مقر کې جوړیږي. پر دغه اساس له ټولو درنو غوښتونکو څخه غوښتنه کیږي چې خپل غوښتنلیکوونه له پړاوونو څخه تېر کړي او له ټاکل شوې نېټې څخه یې وړاندې د مدافع وکیلانو اداري شعبې ته وسپاري.