د دفاع وکالت د اوومې دورې د ورودي ازموینې د نوم لیکنې د پیل په اړه د عدلیې وزارت خبرتیا
د دفاع وکالت د جوازلیک ټولو غوښتونکو ته خبر ورکول کېږي، چې د دفاع وکالت د اوومې دورې د ورودي ازموینې د نوم لیکنې بهیر د ۱۴۰۵ هجري شمسي کال د میزان (تلې) د میاشتې په ۱۵مه نېټه د چهارشنبې په ورځ چې د ۱۴۴۸ هجري قمري کال د ربیع الآخر د میاشتې له ۲۴مې نېټې سره سمون لري پيلېږي او د روان کال د عقرب (لړم) د میاشتې تر ۳۰مې نېټې پورې به چې د جمادی الآخر میاشتې له ۱۱مې نېټې سره سمون خوري، دوام ولري.
د نوم لیکنې پروسه یوازې د عدلیې وزارت په مقر کې د مدافع وکیلانو په ریاست کې ترسره کېږي او د نوم لیکنې پر مهال د غوښتونکي حضور حتمي دی.
د غوښتونکو صورت او سیرت باید په نبوي صلی الله علیه وسلم سنتو برابر وي؛ پرتهله دې د نوم لیکنې پروسه کې نهشاملیږي.
نوم لیکنې لپاره اړین اسناد:
د عدلیې وزارت د محترم مقام په عنوان رسمي عریضه
د لوړو زده کړو وزارت لخوا تائید شوي د تحصیلی اسنادو رنګه کاپي
د تابعیت تذکرې رنګه کاپي
څلور قطعي عکسونه ۴/۳
په ورودي ازموینه کې د شمولیت فورمه ډکول (۵۰۰افغانۍ)
په شرایطو د برابرو وروستنی نوملړ، د کارتونو د وېش او د ازموینې اخېستو نېټه وروسته اعلانیږي.
د دفاع وکالت د ورودي ازموینې سرچینې (منابع):
- عقیدة الطحاوی
- مجلة الاحکام العدلیة (د عمومیاتو، دعوی، بینات، تحلیف، قضاء، وکالت او عقودو برخې)
- د عدلي محکمو اداري اصولنامه
- د عدلي محکمو حقوقي اصولنامه
- د مدافع وکیلانو د انسجام کړنلاره (طرزالعمل)
- میراث
- فقه (د حدودو برخه)
- هدایه (د شفعې برخه)