د عدلیې وزیر: خیریه بنسټونه دې په اساسي او بنسټیزونو کارونو اقدام وکړي

hayat_admin
یکشنبه ۱۴۰۲/۱۱/۲۲ - ۹:۲
.

د عدلیې وزارت سرپرست شیخ الحدیث مولوي عبدالحکیم شرعي د عدلیې وزارت او خیریه بنسټونو ترمنځ مشورتي او د هغمږۍ په ناسته کې د دغو بنسټونو په واسطې د اساسي او بنسټیزونو کارونو د ترسره کولو په اړتیا ټینګار وکړ.

خیریه بنسټونو سره د عدلیې وزارت مشورتي او د همغږۍ ناسته د رجب المرجب د میاشتې په ۲۹ نېټه د عدلیې وزارت د سرپرست شیخ الحدیث مولوي عبدالحکیم شرعي، د یاد وزارت د مسلکي معین شیخ الحدیث مولوي عبدالکریم حیدر او نورو مسؤولینو او د هېواد په کچه د خیریه بنسټونو د مسؤولینو په حضور سره د عدلیې وزارت په مقر کې جوړه شوه.

په یاده ناسته کې د عدلیې وزارت سرپرست وویل چې د خیریه بنسټونو د راپور له مخې، څه باندې ۱.۵ میلیارده افغانۍ د یادو بنسټونو له لارې د ټولنې له بې وزلو وګړو سره د مرستې رسونې په برخه کې لګول شوي دي؛ خو په دې برخه کې پام وړ بدلون نه دی راغلی.

نوموړي د خیریه بنسټونو له مسؤولینو څخه وغوښتل، چې د یوې اتحادیې په جوړولو او بشپړې همغږۍ د اساسي کارونو زمینه لکه د روغتون، ښوونځي، مدرسۍ او د نورو خدماتي نهادونو په جوړولو سره رامنځته کړي. د نوموړي په وینا، په دې صورت کې د خلکو لپاره کاري زمینه برابریږي او بې وزلي او ناداري به راکمه شي.

د عدلیې وزارت سرپرست له خیریه بنسټونو څخه وغوښتل چې خلکو ته د مرستې رسونې په برخه کې صادق و اوسي او خیانت و نه کړي، د مرستو له جریان څخه د ویډیوګانو په خپرولو سره د مستحقانو عزت او انساني کرامت تر پښو لاندې نه کړي او خپل نیتونه خالص کړي.

په یاده ناسته کې د عدلیې وزارت مسلکي معین، شیخ الحدیث مولوي عبدالکریم حیدر هم وینا وکړه او د یادې ناستې موخه یې د خیریه بنسټونو له مسؤولینو سره پېژندګلوي او د دغو بنسټونو په کارونو کې د نیمګړتیاو لري کول یاده کړه. نوموړي وویل چې مرسته او تعاون د هر مسلمان دیني او شرعي مسؤولیت دی او خیریه بنسټونه چې دغه مرستې اړمنو ته رسوي، ډېر لوی مسؤولیت لري.

نوموړي زیاته کړه چې له اړمنو سره د خیریه بنسټونو له خوا ترسره شوې مرستې د قدر وړ دي او ورته مهال ځینې نیمګړتیاوې وجود لري چې باید لري شي. د نوموړي په وینا د مرستۍ رسولو بهیر لازیاتې پیاوړتیا او څارنې ته اړتیا لري ترڅو ډاډ ترلاسه شي چې مرستې اړمنو ته رسیږي.

دغه راز د عدلیې وزارت مسلکي معین خیریه بنسټونو لپاره د هر اړخیزې کړنلارې د بشپړیدو خبر ورکړ ویې ویل چې دغه کړنلاره به د یادو خیریه بنسټونو مسؤولینو په لاسرسۍ کې ورکړل شي.

په یاده ناسته کې د دوو خیریه بنسټونو رئیسانو احسان الله احساني او جاوید ابراهیمي د ټولو یادو خیریه بنسټونو په استازیتوب خبرې وکړې او د یادې ناستې د هرکلي ترڅنګ یې، د خیریه بنسټونو ترمنځ د همغږۍ ټینګښت لپاره مهمه وګڼله. دوی زیاته کړه چې یاد بنسټونه د بې وزلې کمولو او د اړمنو هېوادوالو د اقتصادي اوضاع د ښه کولو  په برخه کې ځانونه مسؤول ګڼي او په دې برخه کې به لا زیاتې هلې ځلې وکړي.

دغه راز هغوی د خیریه بنسټونو یو لړ کاري ستونزې له دې جملې، له ادارو سره د هغمږۍ، د مرستو د لیږد، د جواز اخیستو د تضمین او نور موارد د عدلیې وزارت له مسؤولینو سره شریک کړل او د یاد وزارت مسؤولینو هم د هغو د حل په برخه کې ډاډ ورکړ.

د ناستې په پای کې د عدلیې وزارت د انسجام لوی رئیس مولوي حافظ عبدالصمد عمري په دغه وزارت کې د ثبت شوو خیریه بنسټونو د فعالیتونو راپور وړاندې کړ.

تازه خبرونه

یکشنبه ۱۴۰۳/۴/۲۴ - ۱۵:۳۰
Background image

په تېره یوه میاشت کې په ۲۱ ولایتونو کې د څه باندې ۲۳۲ زره جریبه امارتي ځمکې تثبیت

د ځمکو له غصب څخه د مخنیوي کمېسیون او تخنیکي هیئتونو يې په ولایتونو کې د ۱۴۴۵ هجري قمري کال د ذوالحجې د میاشتې په اوږدو کې د هېواد په ۲۱ ولایتونو کې کابو ۲۳۲ زره او ۱۸۰ جریبه امارتي. . .

شنبه ۱۴۰۳/۴/۲۳ - ۱۵:۴۹
Background image

نشست هماهنگی میان ریاست عدلیه و وکلای مدافع ولایت پروان برگزار شد

د پروان ولایت د عدلیې ریاست او د یاد ولایت د مدافع وکیلانو ترمنځ د همغږۍ ناسته د محرم الحرام د مياشتې په ۴ مه نېټه د چهارشنبې په ورځ د پروان ولایت د عدلیې رئیس مولوي حیات الله امين په. . .

شنبه ۱۴۰۳/۴/۲۳ - ۱۵:۱۲
Background image

په لسو ولایتونو کې کابو ۲۴۰۰ تنو ته حقوقي پوهاوی وړاندې شو

د عدلیې وزارت د حقوقي مرستو رياست، په مرکز او ولایتي امریتونو یې په نهه نورو ولایتونو کې ۲۳۸۰ تنو ته د حقوقي پوهاوي ورکولو برنامې وړاندې کړي دي.

دا برنامې د محرم الحرام د مياشتې په ۴. . .

BACK TO NEWS