د عدليې وزیر د حقوقي پوهاوي ورکونې وضعیت تر بررسي لاندې ونیوه

waheed
سه‌شنبه ۱۴۰۰/۴/۲۲ - ۱۳:۱۵
.

د هېواد د عدليې وزیر قانونپوه فضل احمد معنوي په یوې ناستې کې، هېوادوالو ته د حقوقي پوهاوي ورکونې وضعیت تر بررسي لاندې ونیوه او په دې برخه کې د بدلون پر اړتیا ټینګار وکړ.

دغه ناسته چې د سې شنبې ورځې د چنګاښ په ۲۲ مه جوړه شوه، د عدليې وزارت د ټولنیزو چارو معینې او د دې وزارت د بېلا بېلو برخو رئیسانو او ځینو مسوولانو حضور درلود.

د عدليې وزیر ټینګار وکړ چې حقوقي پوهاوی باید له نوې تګلارې څخه په ګټې اخیستنې سره او تر واضح او مسلکي چتر لاندې صورت ومومي او د دې برخې فعالیتونه هم متمرکز شي.

.

هغه په حقوقي پوهاوي ورکونې کې اوسنۍ کلاسیکې تګلارې ته په اشارې سره وویل چې هېوادوالو ته په حضوري ډول حقوقي پوهاوی، د عدليې وزارت امکاناتو او سرچينو او د حقوقي پیغامونو د مخاطبانو زیاتوالي ته په کتو سره، شونی نه دی.

ښاغلي معنوي تصرېح کړه چې د حقوقي پوهاوي ورکونې د پیغامونو تولید زیات شي او له بېلا بېلو کانالونو په ځانګړي ډول د رسنیو له لارې خلکو ته ورسول شي.

هغه همدا راز لارښوونه وکړه چې په دې برخه کې یو مرکزي ټیم له پیاوړې مدیریت سره جوړ شي او د حقوقي پوهاوي ورکونې مسوولیت پرغاړه واخلي او په منظمه توګه له خپلو فعالیتونو څخه رپوټ وړاندې کړي. هغه په دې برخه کې د عدليې وزارت د همکارو موسسو د همکارۍ پر جلبولو ټینګار وکړ.

.

د عدليې وزارت د ۱۸۸ ګرځنده سلا ورکونې د مرکز د فعالیت  پر اغېزمنتوب ټینګار وکړ او ويې ویل چې هڅه وشي دغې شمېرې ته د هېوادوالو اړيکې وړیا شي ترڅو وکولای شي د دې مرکز حقوقي سلاوې ترلاسه کړي.

فضل احمد معنوي د عدليې وزارت د ټولنیزو چارو معینې دکترې زکیې عادلي په مشرۍ یوې کمېټې ته دنده وسپارله ترڅو نوموړو مواردو کې ژر تر ژره عملي ګامونه پورته کړي.

په دې ناسته کې د عدليې وزارت د ټولنیزو چارو معینې د حقوقي پوهاوي ورکونې د مدرن کولو لپاره تجهیزاتي، سرچینو او زیربناوو اړتیاوو ته په اشارې سره وویل چې کمېټه به په نږدې راتلونکې کې پر کار پیل وکړي تر څو د ننګونو په لرې کولو سره د حقوقي پوهاوي ورکونې وضعیت لا ښه شي.

تازه خبرونه

یکشنبه ۱۴۰۰/۹/۷ - ۱۴:۱۲
Background image

په کابل کې ۲۳ د معاملو لارښوونې او موټر پلورنځي وتړل شو

د افغانستان اسلامي امارت د عدلیې وزارت د کابل ښار په اووه لسمه حوزه کې د ۳۹ د معاملو د لارښوونې دفترونه او موټر پلورنځیو د سندونو له بررسي څخه وروسته، د سرغړونې او غیر قانوني فعالیت په. . .

چهارشنبه ۱۴۰۰/۹/۳ - ۱۲:۳۸
Background image

د ننګرهار ولایت له مشرانو سره د عدلیې وزیر لیدنه

د افغانستان اسلامي امارت د عدلیې وزارت سرپرست وزیر شیخ عبدالحکیم شرعی صاحب، د یکشنبې په ورځ د ۱۴۰۰ کال د لړم د میاشتې په ۳۰ نېټه د ننګرهار ولایت له قومي مشرانو سره په خپل کاري دفتر کې. . .

یکشنبه ۱۴۰۰/۸/۳۰ - ۱۲:۱۷
Background image

د مدافع وکیلانو د فعالیت جواز د ترلاسه کولو په اړه د عدلیې وزارت اعلامیه

د افغانستان د اسلامي امارت د عدلیې وزارت ټولو محترمو مدافع وکیلانو ته خبر ورکوي چې ژر تر ژره له دې وزارت څخه د خپل فعالیت جواز ترلاسه کړي. په هغه صورت چې د مدافع محترمو وکیلانو له عدلیې. . .

BACK TO NEWS