د عدلیې وزارت او خیریه بنسټونو ترمنځ د همغږۍ غونډه جوړه شوه

waheed
چهارشنبه ۱۴۰۱/۴/۸ - ۱۵:۲۶

د اسلامي امارت د عدلیې وزارت د انسجام لوی ریاست د ۱۴۴۳ هجري قمري کال د ذوالقعدې د میاشتې په ۲۹ نېټه د سه شنبې په ورځ د عدلیې وزارت او خیریه بنسټونو ترمنځ د لا همغږۍ په منظور یوه غونډه جوړه کړه.

په دې غونډه کې د عدلیې وزارت د انسجام لوی رئیس مولوي احسان الله وثیق ، د جمعیتونو د چارو رئیس او د خیریه بنسټونو مسؤولينو ګډون کړی وو.

د عدلیې وزارت د انسجام لوی رئیس په دې غونډه کې د خیریه کارونو پر اهمیت ټینګار وکړ ویې ویل چې اسلامي امارت ژمن دی چې د هغو خلکو لپاره چې خیریه کارونه  تر سره کوي د کار زمینه او آسانتیاوې رامنځ ته کړي. هغه وویل د همدې له پاره د عدلیې وزارت د خیریه بنسټونو له پاره بانکي ضمانت له ۲ میلیونه افغانیو څخه ۵۰۰ زره افغانیو ته را ټيټ کړی او په پام کې ده چې په راتلونکې کې به د «بانکي سټيټمنټ» په عنوان وپېژندل شي او خیریه بنسټونه و کولای شي له هغه څخه ګټه واخلي.

هغه د خیریه بنسټونو مسؤولينو ته توصیه وکړه چې خپل کار ته پام وکړۍ او  زموږ له مظلوم او زورېدلي هیوادوالو سره چې له اقتصادي ستونزو او قیمتۍ سره مخ دي په ښه ډول سره مرسته او همکاري وکړي. همدا راز هغه د خیریه بنسټونو څخه وغوښتل  چې په ګډه توګه له اداري فساد سره مبارزه وکړي او هغه پای ته ورسوي.

مولوي احسان الله وثیق ټینګار وکړ چې بې وزلو سره د خوړو مرسته یوه لنډ مهاله د حل لار ده او له خیریه بنسټونو څخه یې وغوښتل چې خپلو کې همغږي شي او د یوې اوږدمهاله  حل لارې په اړه کار وکړي. همدا راز هغه دې ټکي ته اشاره وکړه چې خیریه بنسټونه دې متوجه اوسي چې د بهرنیو مرستو په ترلاسه کولو سره د بهرنیو بنسټونو د استفادې وړ و نه ګرځي او همدا راز سیاسي نه شي.

په دې غونډه کې د ټولنو د چارو رئیس په خپله وینا کې وویل چې د عدلیې وزارت هڅه کوي چې د خیریه بنسټونو له پاره ډیرې آسانتیاوې را منځ ته کړي.

په پای کې د خیریه بنسټونو مسؤولينو خپل نظرونه او ستونزې له جملې څخه یې له بانکوونو څخه د مرسته شویو پیسو د اخيستلو بندیزونه او په ولایتونو کې له سیمه ییزو مسؤولینو سره همغږۍ د عدلیې وزارت د انسجام د لوی ریاست له مقاماتو سره شریکې کړي.

تازه خبرونه

پنجشنبه ۱۴۰۱/۵/۲۰ - ۱۲:۳۵
Background image

د عدليې وزارت خبرتیا; د مدافعو وکیلانو د ارزونې د بهیر د دولسمې دورې پېل

په ټول هیواد کې ټولو مدافعو وکیلانو ته خبر ورکول کیږي د مدافعو وکیلانو ریاست د محرم الحرام د میاشتې په ۱۵ نېټه چې د زمری د میاشتې له ۲۲ نیټې سره سمون خوري د شنبې په ورځ، د ۲۴ تنو نورو. . .

پنجشنبه ۱۴۰۱/۵/۲۰ - ۹:۴۶
Background image

د مدافعو وکیلانو د ارزونې د بهیر د یولسمې دورې د پاېلو خبرتیا

عدلیې وزارت د مدافعو وکیلانو د ارزونې د بهیر یولسمه دوره د زمری په ۱۸ نېټه د سه شنبې په ورځ د ۵۰ تنو مدافعو وکیلانو په ګډون په دې وزارت کې، جوړه کړه.

د شوې ارزونې پر بنسټ له ۵۰ تنو. . .

دوشنبه ۱۴۰۱/۵/۱۷ - ۱۲:۲۰
Background image

د عدليې وزارت خبرتیا; د مدافعو وکیلانو د ارزونې د بهیر د یولسمې دورې پېل

په ټول هیواد کې ټولو مدافعو وکیلانو ته خبر ورکول کیږي د مدافعو وکیلانو ریاست د محرم الحرام د میاشتې په ۱۱ نېټه چې د زمری د میاشتې له ۱۸ نیټې سره سمون خوري د سه شنبې په ورځ، د ۵۰ تنو. . .

BACK TO NEWS