د عدلیې وزارت او خیریه بنسټونو ترمنځ د همغږۍ غونډه جوړه شوه

waheed
Wed, Jun 29 2022 3:26 PM

د اسلامي امارت د عدلیې وزارت د انسجام لوی ریاست د ۱۴۴۳ هجري قمري کال د ذوالقعدې د میاشتې په ۲۹ نېټه د سه شنبې په ورځ د عدلیې وزارت او خیریه بنسټونو ترمنځ د لا همغږۍ په منظور یوه غونډه جوړه کړه.

په دې غونډه کې د عدلیې وزارت د انسجام لوی رئیس مولوي احسان الله وثیق ، د جمعیتونو د چارو رئیس او د خیریه بنسټونو مسؤولينو ګډون کړی وو.

د عدلیې وزارت د انسجام لوی رئیس په دې غونډه کې د خیریه کارونو پر اهمیت ټینګار وکړ ویې ویل چې اسلامي امارت ژمن دی چې د هغو خلکو لپاره چې خیریه کارونه  تر سره کوي د کار زمینه او آسانتیاوې رامنځ ته کړي. هغه وویل د همدې له پاره د عدلیې وزارت د خیریه بنسټونو له پاره بانکي ضمانت له ۲ میلیونه افغانیو څخه ۵۰۰ زره افغانیو ته را ټيټ کړی او په پام کې ده چې په راتلونکې کې به د «بانکي سټيټمنټ» په عنوان وپېژندل شي او خیریه بنسټونه و کولای شي له هغه څخه ګټه واخلي.

هغه د خیریه بنسټونو مسؤولينو ته توصیه وکړه چې خپل کار ته پام وکړۍ او  زموږ له مظلوم او زورېدلي هیوادوالو سره چې له اقتصادي ستونزو او قیمتۍ سره مخ دي په ښه ډول سره مرسته او همکاري وکړي. همدا راز هغه د خیریه بنسټونو څخه وغوښتل  چې په ګډه توګه له اداري فساد سره مبارزه وکړي او هغه پای ته ورسوي.

مولوي احسان الله وثیق ټینګار وکړ چې بې وزلو سره د خوړو مرسته یوه لنډ مهاله د حل لار ده او له خیریه بنسټونو څخه یې وغوښتل چې خپلو کې همغږي شي او د یوې اوږدمهاله  حل لارې په اړه کار وکړي. همدا راز هغه دې ټکي ته اشاره وکړه چې خیریه بنسټونه دې متوجه اوسي چې د بهرنیو مرستو په ترلاسه کولو سره د بهرنیو بنسټونو د استفادې وړ و نه ګرځي او همدا راز سیاسي نه شي.

په دې غونډه کې د ټولنو د چارو رئیس په خپله وینا کې وویل چې د عدلیې وزارت هڅه کوي چې د خیریه بنسټونو له پاره ډیرې آسانتیاوې را منځ ته کړي.

په پای کې د خیریه بنسټونو مسؤولينو خپل نظرونه او ستونزې له جملې څخه یې له بانکوونو څخه د مرسته شویو پیسو د اخيستلو بندیزونه او په ولایتونو کې له سیمه ییزو مسؤولینو سره همغږۍ د عدلیې وزارت د انسجام د لوی ریاست له مقاماتو سره شریکې کړي.

خبرها

Sun, Aug 28 2022 2:56 PM
Background image

Minister of Justice meets with Acting in Charge of UNAMA

Sheikh al-hadeeth Mawlawi Sahib Abdul Hakeem Sharei, the acting minister of justice of Islamic Emirate met with Mr. Markus Potzel, deputy special representative of the secretary general. . .

Sat, Aug 13 2022 3:24 PM
Background image

The Financial and Administrative Director and the Legal Aids Director Were Introduced

ررررررررتبنتبنتبنیسب یسبینستبنیس The financial- administrative  and the legal aids directors of the ministry of justice of Islamic Emirate were introduced, on Saturday 1st of August, by. . .

BACK TO NEWS