د بدخشان ولایت د عدليې رئیس وپېژندل شو او کاريې پیل وکړ

waheed
Thu, Jun 10 2021 10:04 AM
.

د تخار ولایت د عدليې پخواني رئيس عماد الدین عماد چې د بدخشان ولایت د عدليې رئیس په توګه ټاکل شوی دی د یولړ مراسمو  په ترڅ کې د دغه ولایت د عدليې ریاست کارکوونکو ته وپېژندل شو.

دغه مراسم سه شنبې د غبرګولي په ۱۸ مه جوړ شو او په هغه کې  یوشمېر متنفذینو ، ځوانانو او د دغه ولایت د عدليې ریاست کارکوونکو شتون درلود.

د بدخشان ولایت د عدليې رئيس د عدليې وزارت د رهبرۍ له باور څخه د مننې ترڅنګ وویل چې هڅه کوو ترڅو خلکو ته د عدلي او قضايي ښې خدمتونه وړاندې کړو. هغه همداراز له فساد سره د مبارزې پر وړاندې ټینګار وکړ او زیاته یې کړه چې، هڅه کوي تر څو دا مسؤلیت  د محاکمو د وروستیو او قاطع احکامو د پلي کولو او تنفیذ له لارې،  د دولت د قضایاوو د صادرو قرارونو ، د دولت د منقولو او غیر منقولو شتمنیو څخه ملاتړ، د ماشومانو، ښځو او بېوزلو تورنو او مجرمینو له حقوقو څخه د قانون په چوکاټ کې دفاع، د سیاسي ګوندونو، ټولنیزو بنسټونو او د معاملو د لارښوونو دفترونو د فعالیتونو څخه د ولایت مقام او اړوندو ادارو سره په همغږۍ کنترول، څارنه او تعقیب کړي.

.

په همدې مهال، د بدخشان د عدليې ریاست کارکوونکو هم ژمنه وکړه چې د عدلي او قضايي د اغېزمنو خدمتونو د وړاندې کولو په منظور جدي هڅه کوي. هغوی د دغه ولایت د پخواني رئیس له کړنو څخه مننه وکړه او ښاغلی عماد ته د بریاوو هیله وکړه.

په پای کې، د بدخشان د عدليې رئیس د عدليې ریاست د کارکوونکو او د یو شمېر ځوانانو تو مشرانو له لوري خپل کاري دفتر ته لارښودنه وشوه.

خبرها

Sun, May 02 2021 12:52 PM
Background image

Professional Deputy Minister of Justice is introduced

Qanunpooh Fazil Ahmad Manawi the country’s minister of justice introduced Abdul- Majeed Ghanizadeh as the Professional Deputy Minister of Justice through a formal ceremony to his. . .

Sat, Apr 10 2021 3:19 PM
Background image

Accentuation of Minister of Justice on the Provision of Legal Attorney for Destitute Citizens in Remote Areas of the Country

At the fifth round meeting of the High Commission for Legal Aid, both Minister of Justice and the Director of the High Commission for Legal Aid emphasized on the presence of defense. . .

BACK TO NEWS