د حقوقي مساعدتونو صندوق رامنځته کېږي

waheed
Wed, Oct 14 2020 7:05 PM
.

د عدليې وزارت نوماند وزیر او سرپرست، قضاوتپوه فضل احمد معنوي د روان کال د تلې د میاشتې په ۲۳ نېټې د حقوقو پرمختیا د بین المللي سازمان له لوی رئیس ریماند میکلرایټ او د دې سازمان له مرستیالې میرمن کارین کاتس سره د حقوقي مساعدتونو د پرمختیا او د عدليې وزارت د مسلکي کارکوونکو د ظرفیت د لوړولو د ارزښت په باره کې خبرې وکړې.

د عدليې وزارت سرپرست په دې کتنه کې د حقوقي مساعدتونو او د کارکوونکو د ظرفیت د لوړولو په برخه کې د حقوقو د پرمختیا د بین المللي سازمان له همکاریو څخه مننه وکړه او ويې ویل: هیله لري چې دغه همکارۍ پراختیا ومومي. هغه دغه راز وویل: اړتیا ده چې د قضایاوو مدیریت د برخې د لازیات دیجیتلي کولو د لازمو دیټابیسونو د رامنځته کولو او د حقوقي ستاژونو د پیاوړتیا په لاره کې خپلې همکارۍ پیل کړي.

.

قضاوتپوه فضل احمد معنوي، زیاته کړه چې د مدافع وکیل شتون د عادلانه محکمو یو اساسي بنسټ دی او اړتیا ده چې د بیوزلو مظنونینو او تورنو کسانو لپاره د مدافع وکیل د توظیف برابرول زیات شي همدغه راز په محکمو کې د مدافع وکیل شتون له نمایشي بڼې څخه ووځي.

د عدليې وزارت سرپرست وویل: ټاکل شوې ده چې د هېواد په کچه د بیوزلو مظنونینو او تورنو کسانولپاره د وړیا حقوقي مساعدتونو له وړاندې کولو څخه د ملاتړ په منظور د حقوقي مساعدتونو صندوق، ډیر ژر رامنځته شي. هغه ټینګار وکړ، هڅه کېږي چې د دې صندوق سرچینې په موازي ډول د حقوقي مساعدتونو د وړاندې کوونکو بنسټونو په واک کې ورکړ شي.

.

د حقوقو د پرمختیا د بین المللي سازمان لوی رئیس ښاغلي ریماند میکلرایټ په دې کتنه کې وویل چې دغه سازمان په دې سکتور کې د ناامنۍ  د اغېزو د کمښت، په عدلي او قضايې بنسټونو کې د ظرفیت د لوړولو او عدالت ته د لاسرسي په برخه کې چې د حقوقي مساعدتونو د هغو مهمو برخه ده، فعالیت لري.

هغه وویل په حقوقو د پرمختیا بین المللي سازمان، د عدلي او قضايې سکتور د خدمتونو په وړاندې کولو کې د ناامنۍ اغېزې ارزوي او پیل يې د حل د لارې د موندلو په منظور له عدليې وزارت سره شریکوي. ښاغلي مایکلرایټ هم وویل: چې د حقوقو د پرمختیا د بین المللي سازمان هڅه کوي ترڅو د حقوقي مساعدتونو او د ظرفیت د لوړولو په برخو کې خپلې همکاري زیاتې کړي.

Latest news

Thu, Oct 01 2020 1:13 PM
Background image

Acting Minister of Justice Meets with Head of Rule of Law UNAMA

Esteemed Qazawatpooh, Fazil Ahmad Manawi, nominee and acting Minister of Justice, met with Romana Schweiger, Head of Rule of Law of the United Nations Assistance Mission in Afghanistan. . .

Wed, Sep 30 2020 9:54 AM
Background image

Discussion on Draft Law of Political Parties, Societies and Financing of Political Parties

The tertiary committees on amending and revising the law on parties, the law on societies and the law on financing political parties discussed in their second meeting, the first drafts. . .

Wed, Sep 30 2020 8:48 AM
Background image

Acting Minister of Justice Meets Head of Checchi ADALAT

Esteemed Qazawatpooh Fazil Ahmad Manawi, nominee and acting minister of Justice met with Eric Patrick, head of the Checchi ADALAT Project, and discussed the cooperation of this project. . .

BACK TO NEWS