د عدلیې وزارت مسلکي معین د مسئولیتونو پر مخ وړلو لپاره علم او اسلامي عقیده اساسي اړتیاوې وبللې

barekzai_admin
پنجشنبه ۱۴۰۵/۸/۷ - ۱۱:۲۰
.

 د عدلیې وزارت مسلکي معین، محترم شیخ الحدیث مولوي عبدالکریم حیدر د جمادي الأولی د میاشتې په ۱۶مه نېټه د چهارشنبې په ورځ د هېواد د ۳۴ ولایتونو د حقوقي مرستو له آمرینو سره چې په یوې زده‌کړه ییزې برنامې کې یې ګډون کړی وو، وکتل.

نوموړي په دې زده‌کړه ییزې برنامې کې په خپلې اصلاحي وینا کې د مسئولیت پرمخ وړلو لپاره علم، تخصص، تقوا او اسلامي عقیده اساسي اړتیاوې وبللې.

نوموړي زیاته کړه چې د نظام په چوکاټ کې هر مسئولیت په خپله برخه کې علمیت او تخصص ته اړتیا لري او دغه راز د مسئولینو هر چلند باید د اسلامي شریعت په چوکاټ کې وي. هغه ټینګار وکړ چې اسلامي نظام هغو کسانو ته اړتیا لري چې په عصري علومو کې د تخصص لرلو سربېره په شرعي چارو کې هم کلکه عقیده ولري.

محترم شیخ الحدیث مولوي عبدالکریم حیدر د خپلو خبرو په دوام کې وویل چې دا زده‌کړه ییزه برنامه د حقوقي مرستو د ریاست د کارکوونکو او مسئولینو د علمي او تخصصي ظرفیت د لوړولو او په مرکز کې د حقوقي مرستو او ولایتونو کې د حقوقي مرستو د آمریتونو د خدماتو د پیاوړتیا په موخه جوړه شوې ده. هغه هیله څرګنده کړه چې ګډونوال په خپلو کاري چارو کې د یادې برنامې له زده کړو څخه ګټه پورته کړي.

په دې برنامه کې د حقوقي مرستو رياست مرکزي او د یاد ریاست ولايتي  ۳۴ تنه آمرین ګډون لري او په ترڅ کې به یې ګډونوالو ته د عالیقدر امیرالمؤمنین حفظه الله تعالی فرمانونه او حکمونه تشریح شي او د وزارتونو او ادارو ترمنځ د عامه پوهاوي د برنامو د تطبیق او همغږۍ، د وخت او غونډې مديریت، د دعویٰ لیکنې، دفاعیې لیکنې، راپور او مکتوب لیکنې د څرنګوالي او د اداري مراسلاتو په اړه هم زده کړې ورکړل شي.

تازه خبرونه

پنجشنبه ۱۴۰۵/۸/۱۴ - ۱۲:۳
Background image

د عدلیې وزارت د یوه تش بست رقابتي ازموینه واخیستل شوه

د اسلامي امارت د عدلیې وزارت د کارکوونکو چارو ریاست د جمادي‌الأولی د مياشتې په ۲۴مه نېټه د پنجشنبې په ورځ، د دغه وزارت د خپرونو او عامه اړیکو رياست اړوند د پنځمې رتبې د یوه تش بست. . .

پنجشنبه ۱۴۰۵/۸/۱۴ - ۱۱:۴۱
Background image

د عدلیې وزارت د یوه تش بست رقابتي ازموینه واخیستل شوه

 د اسلامي امارت د عدلیې وزارت د کارکوونکو چارو ریاست د جمادي‌الأولی د مياشتې په ۲۳مه نېټه د چهارشنبې په ورځ، د دغه وزارت د مالي او اداري رياست اړوند د شپږمې رتبې د یوه تش بست رقابتي. . .

پنجشنبه ۱۴۰۵/۸/۱۴ - ۱۰:۴۶
Background image

د عدلیې وزارت او د زندانونو د چارو د تنظیم ادارې ترمنځ د اطفالو د اصلاح او تربیې مرکزونو د لېږد سند لاسلیک شو

د زندانونو د چارو د تنظیم له ادارې څخه عدلیې وزارت ته د اطفالو د اصلاح او تربیې مرکزونو (دارالتأدیب) د لېږد مؤظف شوي پلاوي چې د عالیقدر امیرالمؤمنین حفظه الله تعالی د حکم پر بنسټ. . .

BACK TO NEWS